Dorp/Stad waar jy woon:

Potchefstroom

Beroep:

Entrepreneur / Ondernemer

Hoekom skryf jy in vir SARIE Voorbladgesig?:

Ek skryf in vir Sarie Voorbladgesig 2025 omdat ek glo in die skoonheid van ware, alledaagse vroue – veral moeders wat hulself weer herontdek deur die reis van moederskap. Hierdie platform is vir my meer as net ’n kans om op die voorblad van 'n tydskrif te wees; dit is ’n geleentheid om ander vrouens, te inspireer en aan te moedig.

As ’n eerstekeer-mamma, entrepreneur en gesondheidsentoesias, wil ek wys dat dit moontlik is om na jou gesin om te sien, jou drome na te jaag én steeds jou eie gesondheid en welstand te prioritiseer. My hart lê by die ondersteuning van nuwe mammas – om balans te vind fisies, emosioneel en geestelik – en om hulle te herinner dat hulle nie alleen is nie.

Deur hierdie kompetisie hoop ek om my stem en storie te gebruik om ’n gemeenskap van ondersteuning te bou, waar vroue mekaar met genade en krag opbou. Ek wil ’n rolmodel wees wat sê: Jy is genoeg, jy is in staat, en jou welstand is belangrik.

Jou gunsteling-woord in Afrikaans?:

Salig

3 woorde wat jou goed opsom:

Eg, Ambisieus, Doelgerig