Dorp/Stad waar jy woon:

Centurion

Beroep:

Program Bestuurder

Hoekom skryf jy in vir SARIE Voorbladgesig?:

Ek skryf in vir SARIE Voorbladgesig omdat dit vir my oor meer gaan as net ’n mooi foto – dit gaan oor selfvertroue, groei en om jouself met trots te omhels. Ek het al vir ’n klompie jare agtereenvolgens ingeskryf, behalwe verlede jaar toe ek my dogtertjie gekry het. Mamma-wees het my op ’n heel nuwe manier laat groei en my geleer om myself nog meer te waardeer.

Ek is lief vir avontuur, mal oor my twee spaniels, en hou daarvan om vroulik en stylvol te wees. Hoewel ek soms stil en introvert voorkom, is ek warm, spontaan en vol lewe binne my kring. Ek dink baie vroue sal met daardie balans kan identifiseer – om sterk te wees, maar steeds sag, stylvol en eg. Vir my gaan Voorbladgesig ook daaroor om ander vroue te inspireer om hulself raak te sien, hul uniekheid te omhels en met selfvertroue hul plek vol te staan.

Jou gunsteling-woord in Afrikaans?:

Jinne

3 woorde wat jou goed opsom:

Selfstandig, Sterk, Lojaal