Dorp/Stad waar jy woon:

Vryburg

Beroep:

Finansiële Adviseur

Hoekom skryf jy in vir SARIE Voorbladgesig?:

Ek skryf in vir SARIE Voorbladgesig omdat ek glo dat ware skoonheid veel meer is as net wat ’n mens in die spieël sien. Vir my gaan dit oor selfvertroue, deursettingsvermoë en die moed om jouself ten volle te wees – selfs wanneer dit ongemaklik voel.

Ek is ’n gewone vrou met groot drome en ’n sterk geloof daarin dat elkeen van ons ’n unieke storie het wat die moeite werd is om vertel te word. Ek wil leer, ontwikkel en nuwe ervarings aanpak wat my sal help om die beste weergawe van myself te word. Deur hierdie platform wil ek nie net myself uitdaag nie, maar ook ander vroue inspireer om hul eie waarde raak te sien, te wys dat selfliefde nie ’n bestemming is nie, maar ’n daaglikse keuse. Ek wil ’n stem wees wat ander oplig, aanmoedig en herinner dat hulle genoeg is, net soos hulle is

Ek is nie perfek nie, maar ek is eg, en ek glo dit is juis dit wat my besonders maak.

Ek het al voorheen ingeskryf, maar het vir twee jaar in Dubai gewoon. In daardie tyd het ek baie geleer – oor onafhanklikheid, groei en om my eie waarde te besef. Ná twee jaar voel ek nou weer gereed om terug te kom, sterker en meer selfversekerd as ooit.

Jou gunsteling-woord in Afrikaans?:

"Vasbyt" – Dit is vir my meer as net ’n woord – dit is ’n lewenshouding, ’n simbool van krag, hoop en selfvertroue.

3 woorde wat jou goed opsom:

Dapper, Selfversekerd, Ambisieus