Dorp/Stad waar jy woon:

Heidelberg

Beroep:

Finansiële Direkteur

Hoekom skryf jy in vir SARIE Voorbladgesig?:

Ek skryf in vir die SARIE Voorbladgesig omdat ek vir myself wil bewys dat ek dit kan doen, na al die bitter seer dae waardeur ek moes gaan. Ek bou myself stukkie vir stukkie weer op, sterker, mooier en meer selfversekerd as ooit. Ek dra ‘n getuienis in my hart wat ek graag met ander vroue wil deel: dat jy, ten spyte van swaarkry, steeds weer kan opstaan en jou drome kan leef.

Ek glo ook ek kan vir SARIE ‘n besonderse en mooi voorblad gee wat mense inspireer en aandag trek. Dit sal vir my ‘n groot eer wees om deel te wees van ‘n tydskrif wat soveel Suid-Afrikaanse vroue inspireer. Ek droom daarvan om hierdie droom waar te maak voor ek 40 word.

Maar meer as enigiets anders wil ek hê my seuntjie en dogtertjie moet eendag na daardie voorblad kyk en sê: “Dit is ons Mamma.” Ek wil my man trots maak en wys dat harde tye jou nie definieer nie, dit vorm jou.

Ek het voorheen in 2014 en weer in 2025 ingeskryf, maar ek glo met my hele hart dat 2026 my jaar gaan wees.

Jou gunsteling-woord in Afrikaans?:

My gunsteling woord in Afrikaans is “braai”: want dit bring mense bymekaar, vertel stories sonder woorde en laat enige plek soos huis voel. Die geur van ‘n vuur, laggende familie en goeie geselskap lê alles opgesluit in daardie een woord. Dis meer as net kos maak; dis deel van wie ons as Suid-Afrikaners is.

3 woorde wat jou goed opsom:

Liefdevol, Vasberade, Inspirerend