Dorp/Stad waar jy woon:

Durbanville

Beroep:

Korttermynversekeringsmakelaar

Hoekom skryf jy in vir SARIE Voorbladgesig?:

Ek skryf in vir SARIE Voorbladgesig omdat ek glo elke mens dra ’n getuienis, en elke getuienis dra krag. Party stories breek jou eers, voordat dit jou bou.

Hierdie is die eerste keer wat ek vir SARIE Voorbladgesig inskryf.

My lewe was nie altyd maklik nie. Ek het my ouers op ’n jong ouderdom verloor en daardie verlies het ’n groot invloed op my lewe gehad. Later het ek en my man vir jare met infertiliteit gesukkel, ek het ’n miskraam beleef, nageboorte depressie ervaar en ook deur verskeie gesondheidsuitdagings gegaan. Daar was seisoene waar ek moes leer om weer hoop te vind.

Maar deur alles het ek besef dat daar genesing lê in geloof, groei en in die deel van jou storie. Vandag kyk ek anders na die lewe. Met meer dankbaarheid. Meer sagte krag. Meer deernis vir ander mense se seer.

Ek is ’n mamma, ’n korttermynversekeringsmakelaar en iemand met ’n passie vir mense, gesondheid en die deel van kennis en getuienisse wat ander kan inspireer.

Vir my gaan ware skoonheid nie net oor voorkoms nie, maar oor karakter, warmte en die lig wat ’n mens dra nadat hulle deur moeilike tye gekom het.

As my storie net een persoon kan help om weer hoop te vind, dan het dit reeds betekenis gehad.

Jou gunsteling-woord in Afrikaans?:

Dankie Jesus

3 woorde wat jou goed opsom:

Lojaal, Warmhartig, Gedrewe