Dorp/Stad waar jy woon:

Durbanville Kaapstad

Beroep:

Somatoloog en Eienaar

Hoekom skryf jy in vir SARIE Voorbladgesig?:

My vriendin het al lankal gesê ek moet inskryf, maar ek het altyd getwyfel. Toe besef ek: hierdie is nie net ’n kompetisie nie – dit is ’n geleentheid. ’n Geleentheid om vir my twee dogtertjies te wys dat enigiets moontlik is as jy drome het en in jouself glo.

Ek is nie iemand wat hou van hope grimering of filters op foto’s nie. As skoonheid terapeut glo ek in natuurlike skoonheid – in egtheid. Ek sê gereeld vir my dogtertjies: “Jou oë vertel meer as wat jou gesig op ’n foto ooit kan wys.” Dis daardie soort eerlikheid en warmte wat ek graag na die Sarie Voorbladgesig-kompetisie wil bring.

Hierdie inskrywing is ook vir myself. Ná jare van mamma wees, van altyd ander eerste stel, kies ek nou – net vir ’n oomblik – om myself eerste te stel. Nie uit selfsug nie, maar uit selfliefde.

Sarie Voorbladgesig sal vir my nie net ’n droom wees wat waar word nie, maar ’n kans om ander te inspireer – om eg te wees, om trots te wees op wie jy is, en om jou eie storie met waardigheid en liefde te leef.

Jou gunsteling-woord in Afrikaans?:

Poplap

3 woorde wat jou goed opsom:

Spontaan, Vriendelik, Opreg