Om in te skryf moet jy minstens 18 wees en graad 12 voltooi het (nie in 2021 in graad 12 wees nie), ’n burger van SA of Namibië wees, en in een van dié lande woon.
Jy mag deur iemand anders (ma, vriendin, man, enigiemand anders) ingeskryf word.
Finaliste mag nie ’n finalis in enige ander voorbladgesig-wedstryd wees nie.
Skryf met drie verskillende foto’s in op voorbladgesig.sarie.com. Jou foto’s moet in die formaat van ’n JPEG of PNG wees, en dit moet kleiner as 4 MB wees. Die foto’s moet portretstyl wees en nie in landskapformaat nie. Foto’s met digitale filters sal nie oorweeg word nie.
Inskrywings open Donderdag 1 April 2021 en sluit Maandag 10 Mei 2021 om 23:59.
40 semifinaliste word gekies: Die beoordelaars kies 36, PLUS SARIE-lesers kies 4 deur op voorbladgesig.sarie.com te stem.
Stem vir jou gunsteling-semifinalis van 1 April tot Maandag 17 Mei om 23:59. ’n Maksimum van een stem per stemmer word per dag toegelaat.
Geen gerekenariseerde of geoutomatiseerde stemme (“bots”) sal in aanmerking geneem word nie.
Elk van die 40 semifinaliste sal gevra word om ’n video van 30 sekondes te maak waarin sy haarself bekendstel (’n voorbeeld sal verskaf word).
Die Top-40 se inskrywingsfoto’s verskyn in SARIE se Julie/Augustus-uitgawe.
Die Top-10, gekies deur die beoordelaars, se inskrywingsfoto’s sal in Julie op SARIE.com verskyn.
Die wenner, gekies deur die beoordelaars, word in die September/Oktober-uitgawe aangewys.
Die wenner verskyn op SARIE se November/Desember-voorblad – die gróót prys!
Die beoordelaars se besluit is finaal en geen verdere kommunikasie sal plaasvind nie.
LW: Administrasiegeld van R100 per inskrywing is betaalbaar.
