REËLS

Die kompetisie sluit 27 Mei 2019 om 08:00 stiptelik. Geen laat inskrywings sal aanvaar word nie. 

Skryf só in

Slegs aanlyninskrywings sal aanvaar word. Inskrywings per faks, geregistreerde pos, e-pos of enige ander manier as gespesifiseer sal gediskwalifiseer word.

Slegs een inskrywing per persoon sal aanvaar word.

Foto’s moet 72 DPI wees, met ‘n maksimum van 4MB elk in portretstyl.

Foto’s moet in kleur en natuurlik wees. Geen foto’s met onnatuurlike filters (swart-en-wit, selfoon-filters of Instagram-filters) of kunsmatige grimeer-filters en verstellings (deur middel van ’n selfoon of rekenaar) sal aanvaar word nie. Jy is mooi nes jy is!’n Ligte en natuurlike redigering van kontras en lig word wel toegelaat.

Hoe nader jou foto’s aan die onderstaande riglyne is, hoe beter is jou kans:

Ouderdom, nasionaliteit en uitsluitings

Daar is vanaf 2019 geen ouderdomskategorieë. 

Jy moet voor of op 24 Junie 2019 18 jaar oud en reeds uit skool uit wees om te kwalifiseer.  Dus kan geen skoolkinders inskryf nie.

Vroue wat inskryf moet ’n geldige RSA/NAMIBIESE ID/paspoort besit én moet tans in Suid-Afrika woonagtig wees.

Werknemers en hul gesinne van Media24 (SARIE se moedermaatskappy) en hul reklame-, advertensie- en digitale maatskappye mag nie aan die wedstryd deelneem nie.

Finaliste 

Die beoordelaars sal 36 semifinaliste aanwys. Die vier inskrywings met die meeste beoordelings is outomaties deel van die 40 semifinaliste.

Lesers kan slegs een maal per inskrywing stem. 

Die sluitingsdatum vir die stemme is ook 27 Mei 2019 om 08:00.

Die semifinaliste se foto’s sal in SARIE Julie 2019 verskyn.

Hieruit sal die beoordelaars 10 finaliste kies, wat deur SARIE afgeneem sal word in ware voorbladstyl. Al 10 finaliste sal in SARIE Augustus 2019 aangewys word en in die September-uitgawe van SARIE sal hul fotosessie verskyn.

Daarna kan lesers aanlyn op SARIE.com vir hul gunstelinge stem. Dié leserstemme sal saam met die beoordelaars s’n in ag geneem word om die wenner aan te wys.

Die beoordelaars se beslissing (vir semi-finaliste, finaliste en wenner) is finaal en geen gesprek of korrespondensie sal daaroor gevoer word nie.

Stem só

Klik op die blou stemblokkie onder die deelnemer se foto’s. Sodra jy geklik het sal jy gevra word om jóú naam en e-posadres in te vul. Jy mag net 1 keer per deelnemer stem.

Tydperk en beperkinge

Finaliste moet beskikbaar wees vir en ’n fotosessie gedurende die loop van die kompetisie soos bepaal deur SARIE. Finaliste wat nie beskikbaar is nie, sal gediskwalifiseer word.

Alle finaliste is verplig om die toekenningsplegtigheid wat in September 2019 gehou word, by te woon. Die presiese datum sal later deur SARIE bekend gemaak word. Tydens hierdie geleentheid word die wenner aankondig en die Oktober-voorblad onthul. 

Al 10 die finaliste moet instem om teen geen vergoeding nie in 2019 en 2020 vir redaksionele fotosessies vir SARIE beskikbaar te wees. Hulle moet ook bereid wees om ’n modelvrywaringsvorm te onderteken vir enige redaksionele gebruik. En hulle moet instem dat enige foto’s of kopie wat in SARIE verskyn, ook op die webwerf SARIE.com en ander sosiale netwerke, bemarkingsveldtogte en media verskyn.

Finaliste moet bereid wees om deur SARIE en ander media afgeneem en verfilm te word as dit met die kompetisie verband hou.

Die finaliste sal telefonies verwittig word en sal daarna ’n e-pos as bevestiging ontvang.

Pryse 

Pryse is nie vir kontant omruilbaar nie.

SARIE bied hierdie wedstryd as ’n diens vir haar lesers aan.

Media24 en die borge (INOAR, Isa Carstens Academy en Kalahari Lifestyle) word gevrywaar teen alle eise en/of laste wat die wenners kan hê weens skade/beserings vanweë hul deelname aan die wedstryd of benutting van die pryse.

Deur aan die wedstryd deel te neem stem jy in om die reëls te gehoorsaam en kommunikasie van SARIE en die borge van SARIE Voorbladgesig 2019 per e-pos te ontvang.