SARIE Voorbladgesig word trots aangebied in samewerking met

INOAR, Isa Carstens Academy en Kalahari Lifestyle

Maak dit jóú jaar!

Ons is op soek na SARIE Voorbladgesig 2019 – die 11de wenner van ons gesogte Oktober-voorblad (2016 en 2017 het elk twee wenners gehad). Ken jy iemand wat jy op SARIE se voorblad kan sien? Iemand met die glimlag, oë en hare wat jou weer en weer laat kyk en die tydskrif van die rak af laat optel. Skryf haar in! Nog beter, skryf jouself in! Hier is jou kans om dit tot op SARIE se voorblad te maak. Kom, droom ’n bietjie, jy het niks om te verloor nie.

SÓ WERK DIT:

Jy moet minstens 18 jaar wees en matriek voltooi het (nie in 2019 in matriek wees nie). Jy moet ’n SA of Namibiese burger wees. Kyk hier hoe jou 3 inskrywingsfoto’s moet lyk.

Inskrywings sluit 27 Mei 2019 om 08:00. Die beoordelaars kies 36 semifinaliste wat in SARIE se Julie-uitgawe sal verskyn. PLUS 4 wat die meeste stemme op voorbladgesig.sarie.com gekry het.

Uit dié 40 semifinaliste kies die beoordelaars 10 finaliste wat in ware SARIE-voorbladstyl afgeneem sal word en in ons September-uitgawe verskyn.

Daarna kan lesers op ons SMS-lyn en aanlyn vir hul gunstelinge stem. Die wenner verskyn op SARIE se Oktober-voorblad – die gróót prys!

WAT MAAK 2019 ANDERS?

Vir die eerste keer het ons geen ouderdomskategorieë nie.

Ons het nog altyd geglo ouderdom is net ’n syfer en die laaste paar jaar het gewys ’n vrou van enige ouderdom kan met SARIE se wen-voorblad wegstap.

Vanjaar se SARIE Voorbladgesig-soektog word nie vir televisie verfilm nie.

SARIE is meer as net ’n druktydskrif en dié jaar sal ons ons eie digitale platforms inspan om al die opwinding en stories om SARIE Voorbladgesig te deel.