Is jy ons volgende Voorbladgesig? Sewe SARIE-lesers het dit al tot op SARIE se voorblad gemaak. En nou wag ons vir jóú!

As jy lus het vir ’n uitdaging en boonop die glimlag, oë en hare wat sê Ek’s tuis op dié voorblad! skryf nou in. Daar is twee kategorieë:

18 tot 30 jaar (matriek voltooi) en 31 en ouer.

Wen jy, is die Oktober-voorblad joune en jou lewe nooit weer dieselfde nie!


Hoe Werk Die Wedstryd

Jy moet minstens 18 jaar wees en reeds matriek voltooi het, en ’n SA of Namibiese burger. Inskrywings sluit 15 Mei 2017 om 08:00 stiptelik.

Die beoordelaars kies 36 semi-finaliste wat in SARIE se JULIE-uitgawe sal verskyn PLUS 4 wat die meeste stemme op SARIE.com gekry het.

Uit dié 40 semi-finaliste kies die beoordelaars 10 finaliste wat in ware SARIE-voorbladstyl afgeneem sal word en in ons SEPTEMBER-uitgawe verskyn. Daarna kan lesers aanlyn op SARIE.com vir hul gunstelinge stem. Dié leserstemme sal saam met die beoordelaars s’n in ag geneem word om die 2 wenners aan te wys.

Sien die wedstrydreëls HIER.


Jou 3 Inskryf-foto’s moet só lyk

Foto’s moet aanlyn opgelaai word en moet 72DPI wees, met ‘n maksimum van 4MB elk, portretstyl. Hoe nader jou foto’s aan die onderstaande riglyne is, hoe beter is jou kans.

‘n Kop-en-skouerfoto -jy moet direk na die kamera kyk.

‘n Kop-en-skouerfoto, met jou gesig effens weggedraai terwyl jou oe steeds direk na die kamera kyk.

‘n Vollengte-foto


Waarna Kyk Ons

  • Positief en trots Suid-Afrikaans!
  • ’n Treffende gesig – jy moet weer en wéér wil kyk. Dit moet die leser verlei om SARIE van die rak af op te tel
  • Blink, gesonde hare wat goed versorg is. Die hare wat almal wil hê
  • Natuurlik mooi. Nee, nie soseer beeldskoon nie en nie noodwendig ’n model nie. Net ’n interessante gesig reg vir ’n SARIEvoorblad
  • ’n Warm glimlag en mooi tande
  • En jou oë – hulle moet sáámgesels, hulle moet sprankel